-- केला सामना धैर्याने --
नखे मोडून टाकली
टोचणारी धारदार
केला सामना धैर्याने
कधी मानली न हार !! १ !!
जखडून ठेवतात
मज रूढी-परंपरा
कुठवर चालणार
सांग, खेळ हा ईश्वरा !! २ !!
किती करू विनवण्या
किती राहू विसंबून
करावया स्वरक्षण
सारे घेतले शिकून !! ३ !!
तुरा खोवलेला डोई
सन्मानाने शिक्षणाचा
त्याच्या साथीनेच घेते
वेध माझ्या भविष्याचा !! ४ !!
नाश केला असुरांचा
रूप दुर्गेचे घेऊन
किती काळ राहायचे
भय मनात ठेवून !! ५ !!
नको कुणाच्या कुबड्या
मीच होईन समर्थ
आशिर्वच राहो देवा
लढा जाऊ नये व्यर्थ !! ६ !!
@ सागरराजे निंबाळकर, उल्हासनगर
मो - ८८७९८९७७९७
No comments:
Post a Comment
आपल्या अभिप्रायाबद्दल मनःपूर्वक आभार !