-- हत्तीदादा --
हत्तीदादा एकदा
चिखलात फसला
सगळ्यांनी ओढूनही
निघतोय कसला
सिंह म्हणाला आणा
एक लांबलचक दोरी
दोरी घेऊन आली
एक शेळी गोरी गोरी
दोरी आणली खरी पण
चिखलात घेऊन जाणार कोण
माकडाने लढवली शक्कल
केला मासोळीला फोन
वाघ, सिंह, गेंडा, अस्वल
दोरी खेचून हैराण झाले
बऱ्याच प्रयत्नानंतर हत्तीदादा
फक्त एक इंच पुढे आले
काय करावं नेमकं आता
कोणालाच सुचेना काही
जंगल पालथं घातलं
काहीच मिळालं नाही
शेवटी खारुताई म्हणाली
सारे मिळून बांधू एक पूल
चिखलात फसून हत्तीदादा
झालाय भलताच स्थूल
कसाबसा लोळत लोळत
हत्तीदादा पुलावर आला
इवल्याशा खारुताईमुळे
एकदाचा चिखलातून निघाला
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !