------- जय श्रीगणेशा -------
जय देव जय देव, जय श्रीगणेशा
दूर कर तू भक्तांचे, भय श्रीगणेशा !! धृ !!
सुत माता पार्वतीचा, देव गजानन
पाहुनिया एकदंता, आनंदले मन
ब्रम्हानंदी टाळीची तू, लय श्रीगणेशा !! १ !!
वक्रतुंड, लंबोदर, कैक तुझी नावे
साऱ्या भक्तांना ताराया, विघ्नेश्वरा यावे
संकटांचा तूच कर, क्षय श्रीगणेशा !! २ !!
अंगारकी, चतुर्थीला, मान तुझा खास
चराचरी विनायका, आहे तुझा वास
येते तुझी कैकवेळा, सय श्रीगणेशा !! ३ !!
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !