~ निखळ चांदणे
तुझे निरागस भाव
देती दिलासा मनाला
दूर असून जवळ
वाटे हरेक क्षणाला
तुझे हसणे खुलून
तुझे रुसणे मध्येच
ऋतू वेगळाले असे
नाही पाहिले कुठेच
कणखर वरवर
मृदू आहेस आतून
बंध जुळले मैत्रीचे
तुला भेटल्यापासून
तुझे जगणे वसंत
आणि हास्य चिंब सरी
स्पर्श करते मनाला
जशी मधुर बासरी
पूर्ण होवो इच्छा तुझ्या
हेच ईश्वरा मागणे
दारी तुझ्या रोज-रोज
पडो निखळ चांदणे
▪️सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !