▪️शल्य उराशी..
वापरले मज, ज्याने-त्याने
उडवत खिल्ली, विश्वासाची
मला न कळले, डावपेच मग..
कशास निंदा, करू कुणाची
होते नव्हते, गमावले मी
आज कफल्लक, म्हणतो जो-तो
वाटेल खरे, कसे कुणाला
एकेकाळी, राजा होतो
वैभव गेले, लज्जा गेली
त्याची मजला, चिंता नाही
लुटणाऱ्याला, सलाम आहे
थरथरले ना, हात जराही
जगतो आहे, जपून आता
पराभवाचे, शल्य उराशी
एक मागणे, तुला मागतो
नको ईश्वरा, खेळ जिवाशी
🌿 सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !