⚜️ संयमाची परिभाषा
काय असते नेमकी
संयमाची परिभाषा
तोल जाण्याअगोदर
आखलेली एक रेषा
जर घडत असेल
अघटित खूप काही
त्यात संयमासारखा
कोणताच मार्ग नाही
खोली खाचखळग्यांची
नित्य संयमाने मोजू
सारासार विचारांती
सारे यथायोग्य योजू
वेगेवेगे धावताना
संयमाचा थांबा घ्यावा
काम होण्या सुरळीत
वाव विश्रांतीला द्यावा
पाळल्यास खूप काही
नाहीतर शून्य सारे
कष्टप्रद झेलावया
संयमाचे द्वाड वारे
▪️ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !