पाहिले मला अन्
ती हळवी झाली थोडी
भेटीच्या क्षणावर मग
केली आसवांनी कुरघोडी
काय बोलावे नेमके
सुचत नव्हते काही
योगायोगच म्हणावा लागेल
असे नेहमी होत नाही
सावरलो कसेबसे दोघेही
गोष्टी इकडच्या तिकडच्या झाल्या
तेवढ्यात कानांवर दोघांच्याही
ओळखीच्या हाका आल्या
हसलो मंदमंद, घेतला निरोप
गेलो पुन्हा, आपापल्या वाटे
प्रेमाच्या वाटेवर परंपरांचे
आम्हीच निवडले होते काटे
😊 सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !