⚜️ स्वर घुमले चौफेर...
ध्यानीमनी नसताना
आला राधेचा सांगावा
माझ्यासाठी शेवटचा
तुम्ही वाजवा ना पावा
थक्क होऊन बसलो
एकाजागी क्षणभर
एका ठिणगीच्या पायी
जसं जळतं वावर
लाख सांभाळले तरी
तोल नकळत गेला
क्षण शेवटचा तोही
तिच्या नावावर केला
स्वर घुमले चौफेर
डोळा साठवून पाणी
हीच आहे जन्मोजन्मी
राधा कृष्णाची कहाणी
▪️सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !