⚜️ तुझ्या मंजूळ स्वराने..
जेव्हा-जेव्हा सये तुझी
बट ढळते हळूच
दडलेल्या भावनांची
तेव्हा होते आगेकूच
मग वाटते नेहमी
तुला चोरून पाहावे
काही काळ का होईना
तुझ्या स्वप्नात राहावे
विसरून सारे जग
फक्त तुझ्यात रमतो
योग दुग्धशर्करेचा
कधी कधीच जमतो
गढलेलो असताना
अचानक येते भान
तुझ्या मंजूळ स्वराने
जेव्हा सुखावती कान
🌱 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !