कुणाचे किती

------- कुणाचे किती -------

कुणाचे किती नोंदवू बारकावे 

(कुणी शांत सज्जन कुणी आगलावे)

घरंदाज तू वाटला ना कधीही 

जरी जोडली छानशी आडनावे 

हवन यज्ञ केले बदलल्या न रेखा 

अता हात माझे कुणा दाखवावे 

कधी लागली ठेच वाटेवरी जर 

सख्या वाटते, तू मला सावरावे

उगा शोधते प्रेम चोहीकडे तू 

दिसेनात गालांवरी तुज पुरावे

पसंती तिची मज कधी ना समजली

मनाने उगा घेतले हेलकावे

दिवा मंद केला नि निजलो उपाशी 

भुकेला कसे अन, किती समजवावे

@ सागरराजे निंबाळकर