------- अक्षय्य तृतीया -------
अक्षय्य तृतीया । मुहूर्त मानाचा
दक्षिणादानाचा । शास्त्र सांगे !! १ !!
होते पूजा अर्चा । बसवेश्वराची
परशुरामाची । जयंतीला !! २ !!
महाभारताचे । काम सुरु झाले
लिखाणास आले । गणपती !! ३ !!
कुंकवाला राहो । हळदीची साथ
सुख जीवनात । नको दुजे ! ४ !!
मृत्तिकेबद्दल । कृतज्ञता भाव
घेतो बळी नाव । बलराम !! ५ !!
मान पितरांना । मडक्यात वाळा
स्मृतींना उजाळा ! पूर्वजांच्या !! ६ !!
करूया खरेदी । दागदागिन्यांची
शस्त्रांची, वस्त्रांची। तृतीयेला !! ७ !!
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !