-- गोष्ट पोलीस मामांची --
गोष्ट सांगतो जगाला
आज पोलीस मामांची,
त्यांनी प्रेमाने केलेल्या
मोठ्या सुंदर कामांची !! १ !!
माझ्या पोलीस मामाची
आहे मिशी पिळदार,
त्याला पाहून होतात
चोर भुरटे पसार !! २ !!
मामा चालवितो फक्त
एक बंदुकीची गोळी,
येते शरण क्षणात
दहशतवादी टोळी !! ३ !!
ड्युटीसाठी माझा मामा
उभा राहतो उन्हात,
भुकेलेल्या अन्न देतो
देशप्रेम काळजात !! ४ !!
माझ्या मामाला मिळाले
जेव्हा सुवर्णपदक,
आले फळाला प्रयत्न
त्याने केले जे अथक !! ५ !!
@ सागरराजे निंबाळकर, उल्हासनगर
मो - ८८७९८९७७९७
No comments:
Post a Comment
आपल्या अभिप्रायाबद्दल मनःपूर्वक आभार !