कन्या दिलीस पोटी आभार मानते मी
कंठात मोतियांचा उपहार मानते मी
सोडून पुत्र जाता सांभाळले मुलीने
जगण्यास तोच आता आधार मानते मी
मातृत्व आज माझे संतुष्ट जाहल्याने
कन्येस गोकुळाचा परिवार मानते मी
प्रेमात आड आले जर का कधी कुणी तर
निष्पाप भावनांचा व्यवहार मानते मी
भरल्या घरात माझ्या नांदो सदैव लक्ष्मी
इतुकाच देवराया संसार मानते मी
शिवबासमान राजा होणे कधीच नाही
रयतेस तारणारा सरदार मानते मी
कविता मनामनाला जोडून ठेवते तर
गझलेस शायरीचा गुलजार मानते मी
🌿 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !