------- समग्र रामायण -------
रामाची महती । साऱ्यांनाच ज्ञात
बोध जीवनात । मर्यादेचा !! १ !!
कैकयीच्या होत्या । दोन इच्छा खास
झाला वनवास । चौदा वर्षे !! २ !!
पुत्र भरतास । राजसिंहासन
निघाला लक्ष्मण । रामासवे !! ३ !!
ठेवूनी पादुका । राजगादीवर
केला कारभार । भरताने !! ४ !!
बदलून वेश । धावला रावण
सीतेचे हरण । करावया !! ५ !!
आश्वासले राम । हनुमानावर
सुग्रीव वानर । साथ देई !! ६ !!
नल नि निलाने । लिहिता श्रीराम
रामसेतू काम । झाले पूर्ण !! ७ !!
आले मदतीला । राजा बिभीषण
करण्या दहन । अहंकार !! ८ !!
अंजनीसुताने। केली खाक लंका
विजयाचा डंका । चोहीकडे !! ९ !!
हनुमानापरी । हनुमान फक्त
नाही दुजा भक्त । श्रीरामाचा !! १० !!
ऋषी वाल्मिकींनी । राहूनिया व्यग्र
लिहिले समग्र । रामायण !! ११ !!
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !