शेल रचना बाप

➖ *त्यागास शब्द तोकडे* ➖

*तप्त उन्हाच्या झळात*
*झळात थंड सावली*
*सारीच सुखे कवेत*
*कवेत त्याच्या मावली*

*घरादाराकडे लक्ष*
*लक्ष त्याचं चोहीकडे*
*काय वर्णू मी त्यागास*
*त्यागास शब्द तोकडे*

*मित्र, सखा, सवंगडी*
*सवंगडी तो सर्वांचा*
*अनुभवाचा अध्याय*
*अध्याय न्यारा पर्वांचा*

*येता संकटे अमाप*
*अमाप ते मनोधैर्य*
*सद्विवेकाने लाभते*
*लाभते घराला स्थैर्य*

*कसा विचारावा मना*
*मना त्याचा थांगपत्ता*
*गोडी राहो सत्संगाची*
*सत्संगाची नितीमत्ता*

*विनवणी देवाकडे*
*देवाकडे ही याचना*
*अंत आता पाहू नको*
*नको बापास यातना*

*राहो कृपा त्याची जशी*
*जशी सागराची खोली*
*किनारा शुद्ध निर्मळ*
*निर्मळ मधाळ बोली*

© *सागरराजे निंबाळकर*