⚜️ _प्रपंच 'सागर'_
_ओझे अपेक्षांचे । पेलवत नाही_
_खंत बारमाही । ज्याची-त्याची ।।१।।_
_पुरेसे ठरते । छोटेसे कारण_
_दुःखाची लागण । होण्यासाठी ।।२।।_
_मार्ग शोधल्यास । होते चिंता कमी_
_संयमाची हमी । द्यावी फक्त ।।३।।_
_कधी-कधी तर । असूनही सारे_
_मनात निखारे । तणावाचे ।।४।।_
_जर केला घट्ट । मनाशी निर्धार_
_पळती आजार । दूर सारे ।।५।।_
_आपल्या सोयीने । सारे होत नाही_
_मोजकेच काही । येते हाती ।।६।।_
_प्रपंच 'सागर' । आहे खूप खोल_
_सांभाळावा तोल । पोहताना ।।७।।_
▪️ _सागरराजे निंबाळकर, उल्हासनगर_
No comments:
Post a Comment
आपल्या अभिप्रायाबद्दल मनःपूर्वक आभार !