⚜️ चुकीचा वापर..
गुण्यागोविंदाने । जगावे जीवन
दुःखास कारण । करू नये ।।१।।
प्रत्येक कार्यात । येतात समस्या
करावी तपस्या । चिंतनाने ।।२।।
सुरळीत जर । झाले सर्व काही
उरणार नाही । उत्सुकता ।।३।।
मनात कटुता । मुखात साखर
चुकीचा वापर । जिथे-तिथे ।।४।।
प्रसिद्धीचा मोह । अनेकांना होतो
त्याचे पायी जो-तो । वेडापिसा ।।५।।
◼️सागरराजे निंबाळकर, उल्हासनगर
मो - ८८ ७९८९ ७७९७
No comments:
Post a Comment
आपल्या अभिप्रायाबद्दल मनःपूर्वक आभार !