पार्वतीच्या सुता..
पार्वतीच्या सुता, तुझं गातो गुणगान
दर्शनाने तुझ्या, माझे हरपले भान ।।धृ।।
शुभ कार्यारंभ होतो, जेव्हा तुझ्या नावे
जुळतात कर माझे, तेव्हा मनोभावे
मूर्ती छोटी परी, तुझी महती महान ।।१।।
विद्येची देवता तुझी, ख्याती चोहीकडे
स्मरूनिया तुला आम्ही, गिरवितो धडे
देवा मला मिळो, तुझ्या चरणात स्थान ।।२।।
गणेशाला वंदितो मी, दिन असो रात
देव्हारा केलाय त्याचा, माझ्या काळजात
त्याच्याविना आता, मज नाही समाधान ।।३।।
@ सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !