◼️भाऊ झाला पाठीराखा..
भाऊ झाला पाठीराखा, बाप गेल्यावर
भार अवघ्या घराचा, त्याच्या खांद्यावर ।।धृ।।
जीव तो एकसारखा, साऱ्यांना लावतो
दिन असो वा रात तो, हाकेला धावतो
आईपरी आहे त्याची, माया आम्हावर ।।१।।
शिळी भाकरी स्वतःला, आम्हा तूप रोटी
छत्रछाया वाटे त्याची, मेघाहून मोठी
त्याच्यापुढे आपसूक, जुळतात कर ।।२।।
ओवी, भजन, कीर्तन, गायनाचा छंद
रामकृष्ण जप मुखी, देतसे आनंद
तोच तुकोबा अमुचा, तोच ज्ञानेश्वर ।।३।।
@ सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !