⚜️ असते बरी..
दुःखामध्ये असली जरी
मुखावर तिच्या बघ तरतरी
बसून असतो दारात तो
ती येण्याच्या आशेवरी
शब्दाखातर तिच्या एका
ओलांडली न मी पायरी
अधूनमधून दुःख नशिबी
बाकी मग ती असते बरी
येऊ देऊ नका कधीच
नात्यामध्ये कुठली दरी
ऐऱ्या-गैऱ्या कसे जमेल
पाठवा निपुण मारेकरी
आहे माझे प्रेम नितांत
शांत, संयमी गझलेवरी
▪️सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !