🔰 तितका मजेत नाही..
हल्ली मला कुणीही समजून घेत नाही
मी वाटतोय जितका तितका मजेत नाही
पादाकुलक असो वा सारंग, मंजुघोषा
गझलेत मी भरीचा संकेत देत नाही
जीवन जगा मजेने घेताय श्वास जोवर
नियती कधीच काही सांगून नेत नाही
साकीस दुःख माझे कळते म्हणून जातो
बाकी तसा पिण्याचा रंगीन बेत नाही
ज्या मैफलीत "सागर" रमलो अफाट आपण
त्यासारखी मजा या शाही सभेत नाही
🔰 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !