जखम प्रवाही

वृत्त :- जलौघवेगा

लगालगागा लगालगागा

🔰 जखम प्रवाही..

कुणास कळते कुणास नाही

अशीच असते जखम प्रवाही

पडेल जे-जे करेन सारे

हळूच मागे करून बाही

कुठेच नाही निभाव माझा

कुणास देऊ उगाच ग्वाही

सदैव जगतो हसतमुखाने 

म्हणून भरल्या सलग इजाही

जबाबदारी जिच्या शिरावर

उसंत द्यावी जरा तिलाही

तसाच आहे उभा जरी तो

गळून पडले बरेच काही

कधीच सोडू नकोस 'आशा'

मिळेल 'सागर' 'किरण' तुलाही

😊 सागरराजे निंबाळकर, उल्हासनगर