आयुष्य म्हणजे

◼️आयुष्य म्हणजे..

जमेल तेवढे । मजेत राहावे

नको हेलकावे । चिंतेमध्ये ।।१।।

आयुष्य म्हणजे । वेलांटी, उकार

मात्रा, अनुस्वार । सत्कर्माचा ।।२।।

वास्तव जगावे । नको बडेजाव

बुद्धीचा अभाव । दाखवी जो ।।३।।

करायचे आहे । म्हणोनिया केले

सारे व्यर्थ गेले । असे नको ।।४।।

व्हावयाचे जे-जे । होतच असते

थांबत नसते । कधी काही ।।५।।

करू नये कधी । फळाची लालसा

दावी जे आरसा । स्वीकारावे ।।६।।

प्रपंच म्हणजे । नागमोडी घाट

"सागराची" लाट । वर खाली ।।७।।

@ सागरराजे निंबाळकर, उल्हासनगर