◼️तपासून घ्यावे
कुणी काय केले । नको हा विचार
मनाचा विकार । होतो मग ।।१।।
जर होत गेले । मनाजोगे सारे
वाहतील वारे । हवे तसे? ।।२।।
कराव्यात गोष्टी । दुर्लक्षित काही
नाही जरासाही । राम ज्यात ।।३।।
किमान एकदा । तपासून घ्यावे
मग व्यक्त व्हावे । संयमाने ।।४।।
नको आहे जर । पदोपदी ठेच
सोडवावा पेच । चातुर्याने ।।५।।
दृष्टीस पडता । आशेचा किरण
कराव्या दहन । शंका साऱ्या ।।६।।
भरती-ओहोटी । "सागराचा" खेळ
ठराविक वेळ । चालणारा ।।७।।
@ सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !