लाखात एक ताई माझी

-- लाखात एक, माझी ताई --

भावा-बहिणीच्या । पवित्र नात्याचा

रक्षाबंधनाचा । सण आज ।।१।।

लाखामध्ये एक । आहे माझी ताई

मानतो मी आई । तिला दुजी ।।२।।

माया तिची मज । मिळते अपार

हक्काचा आधार । संकटात ।।३।।

क्षणात रुसवा । हसते क्षणात

आहे काळजात । जागा तिची ।।४।।

मुक्ताई-ज्ञानेशा । आमुचा आदर्श

जीवनात हर्ष । त्यांच्यामुळे ।।५।।

निरांजनातील । उजळत्या ज्योती

जणू काही मोती । तेजोमयी ।।६।।

वाजता मंडपी । सनई-चौघडा

ओलावती कडा । निरोपाने ।।७।।

माहेर सोडून । गाठते सासर

सुने-सुने घर । तिच्याविना ।।८।।

मनगटावर । राखी बांधायाला

हवी प्रत्येकाला । ताई एक ।।९।।

😊 सागरराजे निंबाळकर, उल्हासनगर

मो - ८८७९८९७७९७