----- काय सांगायचे -----
एकदा यायचे एकदा जायचे
काय मग एवढे रोज मागायचे
त्रास होऊ नये येथ अपुला कुणा
पथ्य हे जीवनी नित्य पाळायचे
ठरवतो रोज सारेच सांगेन अन्
विसरतो नेमके तेच बोलायचे
सांग शिकली कुठे कसब तू हे प्रिये
भाव डोळ्यातले सहज वाचायचे
का लपंडाव खेळून माझ्यासवे
आखते रोज तू बेत टाळायचे
तूच ओळख सये भाव डोळ्यातले
वेगळे मी तरी काय सांगायचे
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !