भूक लागली तरीही
पोट होईना नाराज
काय असते सोसणे
मला कळतेय आज
पंचपक्वान्नाचे ताट
गेले नजरेपुढून
शांत केले कसेबसे
गळ जीभेला घालून
शाप गरिबीचा जेव्हा
साथ जन्मभर देतो
योग भूक मारण्याचा
इथे दररोज येतो
कुणा काळजी दाण्याची
कुणी फेकतो सहज
सांभाळता येत नाही
असा भूकेचा ऐवज
देवा विनवतो तुला
नको देऊ असे पोट
रोज लागते ज्यामुळे
गरिबीला गालबोट
@ सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !