बांध फुटला मांडवाला
लेक निघता सासुराला
सोंग असते चौकशीचे
कोण उत्सुक सांत्वनाला
काळजाचा रोग आहे
दूर सारा औषधाला
घट्ट मैत्री जर हवी तर..
हात घाला काळजाला
छापणे नाही पुरेसे
वेळ काढा चिंतनाला
मी गझलची कास धरली
अर्थ आला लेखनाला
मीच लिहिले भाग्य माझे
का शरण जाऊ कुणाला?
शिष्य जर ज्ञानी निघाला
श्रेय जाते शिक्षकाला
🫵🏻 सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !