~~ जीव जडला
प्रेम कळले भांडल्यावर
तू जराशी हासल्यावर
मी कुणाचा कोण माझे
श्वास घेणे सोडल्यावर
चालणे शिकलो सरळ मी
ठेच मोठी लागल्यावर
अक्षरांवर जीव जडला
पुस्तकांना वाचल्यावर
मोकळा संवाद होतो
वेळ थोडा काढल्यावर
आसवे डोळ्यात आली
वेदनांनी घेरल्यावर
काय फेरे काय वचने
प्रेम सगळे संपल्यावर
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !