आशेचा किरण

▪️आशेचा किरण

मिळाली पाहिजे । संधी प्रत्येकाला

सिद्ध करायाला । कलागुण ।।१।।

काहींना मिळते । आयतीच संधी

तरीही अवधी । जातो वाया ।।२।।

एखाद्या संधीचे । सोने करावया

चातुर्य लीलया । वापरावे ।।३।।

कधी मागे कधी । असते समोर

संधीसाठी घोर । नको जीवा ।।४।।

नसते संधीला । विशिष्ट प्रमाण

करावी निर्माण । ज्याची त्याने ।।५।।

अचूक संधीने । भाग्य उजळते

सुखाने नांदते । घरदार ।।६।।

आशेचा 'किरण' । म्हणजेच संधी

'सागर' नि नदी । नाते जसे ।।७।।

▪️सागरराजे निंबाळकर, उल्हासनगर

मो - ८८ ७९८९ ७७९७