बाकी काही नाही

वृत्त :- श्रीलीला

गागागा गागागा गागागा गागागा

▪️बाकी काही नाही...

जमलं तर ये राणी, बाकी काही नाही

गाऊ आपण गाणी, बाकी काही नाही

होतो नात्यामध्ये गुंता जेव्हा-जेव्हा

सांभाळावी वाणी, बाकी काही नाही

हसतो तो दिवसा पण.. छळते त्याला रात्री

डोळ्यामधले पाणी, बाकी काही नाही

कळतो उबदारपणा मायेचा अपुल्या पण..

बोलत नाही प्राणी, बाकी काही नाही

व्यापारी नोटांच्या गर्दीमध्ये 'सागर'

हरवत गेली नाणी, बाकी काही नाही

▪️सागरराजे निंबाळकर

मो - ८८७९८९७७९७