_~~ आजही.._
_मज दिलेला शब्द जेव्हा मोडला तू_
_घाव माझ्या काळजावर गोंदला तू_
_जर तुला जमणार नव्हते साथ देणे_
_का उगा मग जीव इतका लावला तू_
_आजही रेंगाळतो आई जिभेवर.._
_घास मायेने मला जो भरवला तू_
_उंट, घोडे ठेवले शाबूत अगदी_
_नेमका राजा चुकीने गमवला तू_
_चिंतनाचा स्त्रोत आहे शेर म्हणजे_
_कर खुबीने आपलेसे गजलला तू_
🫶🏻 _सागरराजे निंबाळकर, कल्याण_
No comments:
Post a Comment
आपल्या अभिप्रायाबद्दल मनःपूर्वक आभार !