~ _जपता तुला न आले.._
_दोघातल्या दरीला भरता तुला न आले_
_नाते तुझे नि माझे जपता तुला न आले_
_सर एक श्रावणाची थांबून फार होती_
_आलीस तू उशीरा भिजता तुला न आले_
_चारी दिशांत फिरली शोधायला मला तू_
_मी काळजात होतो.. बघता तुला न आले_
_कल्लोळ फार केला डोळ्यात आसवांनी_
_खोटे, खरे कसेही हसता तुला न आले_
_पोटात भूक होती नजरेत पेच मोठा_
_डोळे मिटूनही मग.. निजता तुला न आले_
🫶🏻 _सागरराजे निंबाळकर, कल्याण_
No comments:
Post a Comment
आपल्या अभिप्रायाबद्दल मनःपूर्वक आभार !