नाव तुझे

तरही गझल..

सानी मिसरा ज्येष्ठ गझलकार ए. के. शेख सर पनवेल यांच्या एका गझलेतून

🌿 नाव तुझे..

हृदयाच्या या चित्रपटावर नाव तुझे

(दिवसाच्या प्रत्येक क्षणावर नाव तुझे)

गेलो असतो परलोकी केव्हाचा मी

लिहिले नसते जर जगण्यावर नाव तुझे

तू होती तोवर होते घरपण आई

उरले केवळ तू गेल्यावर नाव तुझे

गर्दी आहे शेजारी पण काय करू

दिसते आहे रिक्तपणावर नाव तुझे

जिकडे जावे तिकडे होतो भास तुझा

झाडे-वेली, पान फुलांवर नाव तुझे

▪️ सागरराजे निंबाळकर, कल्याण

मो - ८८ ७९८९ ७७९७