मातीमध्ये

▪️मातीमध्ये शेवट होतो

आधार हवा होता जेव्हा

तेव्हाच तिने, पाठ फिरवली

सल छोटीशी, असेल ही पण..

दिमाखात मी, रोज मिरवली

कळेना मला, कुणास दावू

जखम आतली, भळभळणारी

कुठे राहिली, "जमात" शिल्लक

दुःख पाहून, हळहळणारी

साद दिली मी, ज्याला-ज्याला

हासून फक्त, निघून गेले

तहानलेले, विहंग सारे

कोण कसा मग, भरेल पेले

जमवली जरी, लाख संपदा

मातीमध्ये, शेवट होतो

माहीत जरी, आर्यसत्य हे..

गुरफटलेला, आहे जो-तो

🎯 सागरराजे निंबाळकर