"उमा" मी, तुम्ही.. भोळे "शंकर""
तुम्हीच "श्रद्धा" तुम्हीच ईश्वर
गोकुळ होते चक्क झोपडी
लेक धावते जेव्हा घरभर
बाप आतून शहाळ असतो
वाटला जरी वरून कणखर
सिंचन केले घामाचे मी..
असेच नाही फुलले वावर
हलका-फुलका कुणीच नाही
असते ओझे.. प्रत्येकावर
हसली जाई, लाजली जुई
हात तिचा मी मागितल्यावर
विकार जडतो मधुमेहाचा
प्रमाणात जर नसली "साखर"
🌿 सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !