जीवन म्हणजे

पहिली ओळ

पादाकुलक - १६ मात्रा [८+८]

दुसरी ओळ 

शुद्धसती - १२ मात्रा [८+४]

~~ जीवन म्हणजे.. ~~

जीवन म्हणजे, अत्तर आहे

पटकन उडून जाते

पैसा-अडका, नश्वर असतो

उरते केवळ नाते

सोबत असता, आधाराची

किमया करते माया

होता आले, जरूर व्हावे

एखाद्याची छाया

भूकेल्याला, द्यावी भाकर

तहानलेल्या पाणी

दुखावण्याचा, शून्य फायदा

मधुर असावी वाणी

मदत करावी, शक्य तेवढी

नको अपेक्षा काही

पेराल जसे, तसे उगवते

यावर शंका नाही

डोळ्यादेखत, विरते सगळे

राख शेवटी हाती

कुणास कळते, जाणारे मग

कुण्या दिशेला जाती

ध्यास धरावा, सत्कर्माचा

कुविचारांचे क्षालन

गेल्यावरही, नाव रहावे

असे जगावे जीवन

🌿 सागरराजे निंबाळकर, कल्याण

            मो - ८८ ७९८९ ७७९७