~~ कशाला..
सोसले जे दुःख मी लपवू कशाला
मी स्वतःला आणखी दुखवू कशाला
गाव छोटे पण तरीही शांत आहे
त्यात शहरे मी उगा वसवू कशाला
जीव जातो व्याज भरताना सुखाचे
वाढणारे कर्ज मी थकवू कशाला
एकटे मज वाटते गर्दीतही मग..
मैफली या रोज मी भरवू कशाला
सोडली तू साथ माझी ऐनवेळी
जायचे तर जा तुला अडवू कशाला
🌿 सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !