~~ मला कळेना..
ओले करू कितीदा डोळे मला कळेना
केले प्रयत्न लाखो हसणे तरी जमेना
नाते तुझे नि माझे आहे किती अभागी
पावित्र्य त्यातले का कोणासही दिसेना
घेऊ तरी कशी मी शंका अता कुणावर
विश्वास ठेवल्याचे ऋण आजही फिटेना
अडवू नकोस आता घालून गळ मला तू
आधीच पाय माझा काढूनही निघेना
येतो समीप जितके तितकेच दूर जातो
नियतीच खेळ करते कळते तरी वळेना
🌿 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !