🌿 जन्म बाईचा..
जन्म बाईचा कठीण
व्यथा कुणाला कळते?
नव्या पालवीकरिता
पान होऊन गळते
तिची सेवा रात्रंदिन
तिला निवृत्ती नसते
अश्रू लपवाया आत
वर बळेच हसते
नऊ मास उदरात
तिने सोसल्यात कळा
होता, आहे, राहणार
तिचा नेहमीच लळा
स्वामी त्रैलोक्याचा होतो
तिच्या चरणात लीन
आशीर्वाद देताना ती
माया करते स्वाधीन
↪️ सागरराजे निंबाळकर, कल्याण
No comments:
Post a Comment
आपल्या अभिप्रायाबद्दल मनःपूर्वक आभार !