~~~ शर्यत आहे ~~~
जीवन म्हणजे शर्यत आहे
जो-तो केवळ धावत आहे
गेले मागे गाव कधीचे
वारा मजला सांगत आहे
आई रखुमा, विठ्ठल बाबा
दोन्ही माझे दैवत आहे
लिहिला जावा शेर असाही
मैफल ज्याने गाजत आहे
हिंदू, मुस्लिम बांधव माझे
या, सगळ्यांचे स्वागत आहे
पणतीमध्ये दोन कुळांना
उजळवण्याची ताकत आहे
शर्ती साऱ्या का गरिबांना ?
श्रीमंतांना सवलत आहे
हत्ती, घोडे, उंट शिपाई
"राजाची" ही दौलत आहे
मातीमध्ये शेवट होतो
अन् तू मजले चढवत आहे
🌿 सागरराजे निंबाळकर, कल्याण
मो - ८८ ७९८९ ७७९७
No comments:
Post a Comment
आपल्या अभिप्रायाबद्दल मनःपूर्वक आभार !