अनुभव

~~~ अनुभव ~~~

झळ दुःखाची लागता

सैरभैर होते मन

पडू यातून बाहेर

द्यावे स्वतःला वचन

सुखदुःख आयुष्यात

काही क्षणांचे सोबती

कधी स्मित ओठांवर

कधी डोळे पाणावती

वाटेमध्ये जे-जे येते

गोड मानूनिया घ्यावे

सारे आपलेच कर्म

दोषी कुणाला मानावे

आज इथे, उद्या तिथे

काय नेम जीवनाचा

शिकवतो खूप काही

अनुभव प्रत्येकाचा

शोधू नये पळवाट

तोंड द्यावे संकटांना

नियतीही मनोभावे

दाद देते विजेत्यांना

🌿 सागरराजे निंबाळकर, कल्याण

             मो - ८८ ७९८९ ७७९७