अर्धक्षामा : गागागागा गाललगागा
अपुले सगळे मानत गेलो
का मी इतका वाहत गेलो
कोणी नसते संकटकाळी
अनुभवल्यावर सांगत गेलो
सगळे काही नश्वर आहे
का मग इतके मागत गेलो
करण्याजोगे पुष्कळ होते
पण मी केवळ पाहत गेलो
करण्या कायम मुक्त फुलांना
काटे सारे वेचत गेलो
चुकला नाही सूर्य कुठेही
आपण झाडे तोडत गेलो
जागोजागी फक्त दिखावा
मोहाला मी टाळत गेलो
अपुला-परका भेद कशाला
माणुसकी मी पेरत गेलो
मृत्यूवरचा राग खरा पण..
जन्माशी मी भांडत गेलो
🌿 सागरराजे निंबाळकर, कल्याण
मो - ८८ ७९८९ ७७९७
No comments:
Post a Comment
आपल्या अभिप्रायाबद्दल मनःपूर्वक आभार !