~~~ कळले ना ~~~
कळले ना मनातले, कुणास काही
ही शोकांतिका तशी, नवीन नाही
असते जे घडायचे, तसेच घडते
गेला जन्म एवढे, कळायलाही
का मी मौन पाळले, बघून सारे
नाही अर्थ लागला, कधी तुलाही
प्रिय जे सर्व त्यागले, तुझ्याचसाठी
धाडस लागते असे, करायलाही
आकांक्षा मनातली, जिवंत आहे
कारण एवढे पुरे, जगायलाही
@ सागरराजे निंबाळकर, कल्याण
मो - ८८७९८९७७९७
No comments:
Post a Comment
आपल्या अभिप्रायाबद्दल मनःपूर्वक आभार !