निखळ भावना

🌺 निखळ भावना..

जगाचे कल्याण । करी जो संत

कृपाळू अनंत । तोचि खरा ।।१।।

आहे निरर्थक । सारी मोहमाया

स्वप्न साकाराया । कष्ट हवे ।।२।।

क्षणिक विश्रांती । देते फार बळ

नको हळहळ । त्रागा उगा ।।३।।

व्हायचे ते होते । येता योग्यवेळ

नको ताळमेळ । ओढूनिया ।।४।।

अपुल्या वाटेचे । कुठे जात नाही

नको चिंता काही । रात्रंदिन ।।५।।

प्रार्थनेसोबत । श्रद्धा हवी फक्त

दिसती सशक्त । परिणाम ।।६।।

साधे आचरण । निखळ भावना

सफल योजना । पदोपदी ।।७।।

🌿 सागरराजे निंबाळकर, कल्याण

मो - ८८ ७९८९ ७७९७