राहते काय हाती

------ राहते काय हाती ------

सानी मिसरा प्रा. सतीश देवपूरकर यांच्या एका गजलेतला

जागण्यातच खर्च झाल्या कैक राती

(आठवांवर लोटता आली न माती)

बारगळते योजना जेव्हा सुखांची

दुःख सारे पास होते एकहाती

विसर सारे तू जुने अन सोड कटुता

गोडव्याने जोडता येतात नाती

एकट्याने जळत नाही हा निरंजन

साथ त्याला नित्य देती सांजवाती

प्रेम करताना कधीही ठेव ध्यानी

नेहमी येतील तुजला आड जाती

एकदा का प्राण येथे सोडल्यावर

राहते सांगा तसेही काय हाती

@ सागरराजे निंबाळकर

मो - ८८७९८९७७९७