-- चॉकलेटचा खाऊ --
खेळता खेळता अचानक
रुसून बसली मनीमाऊ
दूध भात नको म्हणाली
हवाय चॉकलेटचा खाऊ
मोतीदादांनी पाठीवर बसवलं
फिरवून आणली सारी बाग
तरी माऊ सोडेना हट्ट
जाईना तिच्या मिशीवरला राग
हत्ती, अस्वल, माकड आले
ती कुणाशीच बोलली नाही
बोकोबा झाले चिंताग्रस्त
कुणालाच सुचेना आता काही
शेवटचा पर्याय म्हणून तिला
सिंहाच्या दरबारी नेलं
सिंहाने विचारलं का गं माऊ
तू जेवण का नाही केलं
सिंहाने बोलावलं उंदराला
दाखवले त्याचे किडलेले दात
पाहून ते, घाबरली माऊ
म्हणाली, मी खाईन दूध भात
माऊने सोडला हट्ट चॉकलेटचा
दूध भात चाटून-पुसून खाते
तिलाही कळत नाही आता
ती कधी गाढ झोपी जाते
🤗 सागरराजे निंबाळकर
मो - ८८७९८९७७९७
No comments:
Post a Comment
आपल्या अभिप्रायाबद्दल मनःपूर्वक आभार !