नको मोहमाया

------- नको मोहमाया -------

रुसवा फुगवा । सुरूच असतो

निवांत बसतो । कधी कोणी? ।।१।।

भौतिक सुखात । वेळ जातो वाया

नको मोहमाया । कशाचीही ।।२।।

जपतो जेवढे । नश्वर देहाला

तेवढे मनाला । अभ्यासावे ।।३।।

चांगले-वाईट । समज मनाचा

मोजक्या क्षणांचा । खेळ सारा ।।४।।

घेऊ नका जास्त । ताण मनावर

लिहा पानावर । रोज थोडे ।।५।।

ठेवले जर का । सुखांना तारण

वाटे निष्कारण । सारे काही ।।६।।

येते सागराला । ओहोटी-भरती

चालावे पुढती । तैसे नित्य ।।७।।

@ सागरराजे निंबाळकर

मो - ८८७९८९७७९७