------- काय होते चौकशीने -------
जीव जातो येथ जेव्हा काळजीने
काय होते फक्त साध्या चौकशीने
मौज केली टाकले मग कोपऱ्याला
काय केले पाप इवल्या बाहुलीने
सोसली जर पानगळती या सुखांची
दुःख सारे दूर होते पालवीने
लावतो मी ते न चुकता काळजाला
धाडले जे पत्र माझ्या साजणीने
एक झाले कृष्ण राधा प्रेमनगरी
शक्य झाली येथ किमया बासरीने
कर्ज हे फेडीन तुमचं पै न पै मी
द्या पसाभर जोंधळं मज वाजवीने
वेळ येता कोण अपुला कोण परका
छानसे समजाविले या सावलीने
@ सागरराजे निंबाळकर
सुंदर गझल
ReplyDelete