माझ्या मनाप्रमाणे घडले कधी न काही
ओठात "केरवा" अन् हातात "दौत" होती
वाटायचे लिहावे सुचले कधी न काही
नात्यातला अबोला बोलून खूप गेला
इच्छा असूनसुद्धा टिकले कधी न काही
जळले बरेच काही "जाती" दुभंगल्याने
छायेत विस्तवाच्या विझले कधी न काही
जेव्हा मिठीत दिसली परक्या कुण्या मुलाच्या
कोशात शब्द माझ्या उरले कधी न काही
पाहून दुर्दशा ही बागेतल्या कळ्यांची
जाई, जुई, चमेली ठरले कधी न काही
शिवबा, जिजा नि साऊ नावास फक्त येथे
त्यांच्याकडून कोणी शिकले कधी न काही
~ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !